Os tres erres

O noso colexio participa no plan Proxecta Recíclate con Sogama. A participación neste proxecto xorde co obxectivo principal de promover no alumnado a separación correcta de lixo, como un hábito co que contribuír á sostibilidade do medio ambiente. Nesta liña, fomentamos o hábito de aproveitar ao máximo os produtos e transformar os residuos en recursos. Así, promovemos no alumnado o coidado e o respecto ao medio que nos rodea a través da regra dos tres erres (reducir, reutilizar e reciclar). A continuación podedes ver algúns traballos feitos polo alumnado de terceiro e cuarto seguindo esa liña de actuación.